Сәрсенбі күні Ташкентте «Орталық Азияда таза ауа болашағын құру» атты бірінші аймақтық жоғары деңгейдегі саяси диалог өтті. Бұл туралы жергілікті БАҚ хабарлады.
Шараны Дүниежүзілік банк пен БҰҰ-ның қоршаған ортаны қорғау бағдарламасының қолдауымен Өзбекстанның Экология, қоршаған ортаны қорғау және климаттың өзгеруі министрлігі ұйымдастырды.
БҰҰ мәліметі бойынша, жыл сайын әлемде 7 миллионнан астам адам ауаның ластануынан өледі. Экологтар дабыл қағуда: егер дереу тиімді шаралар қабылданбаса, 2050 жылға қарай ауаның ластануынан болатын өлім 50-100 пайызға артуы мүмкін.
«Өзбекстан, басқа Орталық Азия елдері сияқты, ауаның ластануына байланысты қиындықтарға тап болып отыр және біз бұл мәселе шұғыл және тиімді шараларды қажет ететінін түсінеміз, өйткені біз бұл саладағы ынтымақтастық пен тәжірибе алмасудың маңыздылығын мойындаймыз, өйткені экологиялық проблемалардың шекарасы жоқ», – деді Өзбекстанның экология, қоршаған ортаны қорғау және климаттық өзгерістер министрінің орынбасары Жүсіпбек Қазбеков.
Диалогқа Қазақстан, Қырғызстан, Тәжікстан, Түркіменстан және Өзбекстанның түрлі мемлекеттік органдарының өкілдері, сондай-ақ Азия мен Еуропаның ауа сапасын басқару саласындағы жетекші сарапшылары қатысты.
