«Uzbekistan Airports» хабарлауынша, кешеннің бірінші қабатында жуынатын бөлмелер мен душ бөлмелері, қабылдау қызметі және ақпараттық тақта орналасқан.
Әрбір нөмірде жеке ұшаққа отырғызу басталғаны жайлы хабарлайтын жүйе бар. Шағын бөлмелер сапалы бір кісілік кереуетпен және минималды керек-жарақтар — шам, айна, киім ілгіш, жүк сөресі мен үстелі бар шағын жайлы кабиналармен жабдықталған. Жолаушылар трансфер кезінде әуежай мен транзиттік аймақтан шықпай-ақ бірнеше сағат бойы осында бола алады.
Аумағы 240 шаршы аймақты құрайтын қонақ үй E-auksion.uz сайтындағы аукцион арқылы жеке компанияға берілген және «Khamsa Hotel» брендімен жұмыс істейді. Мұнда қону құны тұру ұзақтығы мен класына байланысты 30-150 АҚШ доллары аралығында. 23 бөлме «стандарт» класына жатады. Отбасылық тұруға арналған бір ғана «люкс» бөлме бар. Қонақ үй жергілікті суретші Бобур Исмаиловтың жобасы бойынша шығыс стилінде жасалған.
