Әлем
Тәжікстанның барлық жергілікті әуежайлары Қорғаныс министрлігінің бақылауына алынды
![](https://turanews.kz/wp-content/uploads/2023/09/airport-dushanbe-780x448.jpg)
Тәжікстанның жергілікті авиакомпанияларының барлық әуежайлары қалалар мен аудандардың меншігінен Қорғаныс Министрлігінің балансына берілді, деп жазады Turanews.kz inbusiness.kz сайтына сілтеме жасап.
Жаңа қаулыға сәйкес, Тәжікстанның қорғаныс министрлігі жергілікті авиакомпаниялардың 18 әуежайын — Хатлон облысында 4 әуе айлағын, республикалық бағыныстағы аудандарда 4, Соғды облысында 5 және Таулы-Бадахшан автономиялық облысында 5 әуе айлағын өз қарамағына алады.
Тәжікстан Қорғаныс министрлігі өз қарамағына алған әуежайларды қалпына келтіріп, тұрақты дайындығын қамтамасыз етуі керек.
Қазіргі уақытта рейстер республиканың төрт халықаралық әуе айлағынан — Душанбе, Худжанд, Бохтар мен Кулябтан ғана жүзеге асырылады.
Динара Мұрат-Inbuisness