Мұхтар Әуезов атындағы Қазақ ұлттық драма театрының ұйымдастыруымен Жұмат Шанин атындағы қалалық академиялық қазақ драма театрының 95 жылдық мерейтойына арналған IX Халықаралық Орта Азия елдері театр фестивалінде Эрнест Хэмингуэйдің ұмытылмас «Қарт пен теңіз» пьесасынан алынған спектаклі қойылды. Бұл жолы сахнааға Алания қалалық театрының әртістері сахнаға шықты.
Қойылымның көркемдік жетекшісі Фырат Онур Дениз. Театр әртістері Фырат Онур Дениз, Эзги Мелек Керман, Ведат Акбулут, Эсра Тыглы Кутертан, Мұрат Демир Тетик, Эмре Шен, Гүнеш Чаглар өнер көрсетті.
Қазылар алқасының жоғары бағасына ие болған қойылым да көрермендердің ыстық ықыласына бөленді. Спектакльдің көркемдік жетекшісі мен әртістерін қазылар алқасының президенті, белгілі қазақстандық актер Асанәлі Әшімов құттықтады. Ол Түркиядан театр ұжымының фестивальге қатысуының түркі әлемінен өнерпаздар мен театр әртістерінің бір-бірімен кездесіп, болашақта ортақ жобаларға қатысуы маңызды екеніне тоқталды.
