ШҚО ПД-да ату бойынша үздіктер таңдалды
Жауынгерлік қарудан ату чемпионатына ПД жеке құрамынан және аудандық полиция бөлімдерінен 30-дан астам полицей қатысты.
Іс-шараның мақсаты — жауынгерлік және кәсіби дайындықты арттыру. Сонымен қатар, кейде халықтың өмірі мен тәртіп сақшыларының өздерінің өмірлері де табельдік қаруды иелену және оны қажет жағдайда қолдану қабілетіне байланысты болатынын атап өткен жөн.
Чемпионат қорытындысы бойынша әйелдер арасынан ПД Штаб бастығының орынбасары полиция полковнигі Жанар Мұхаметжанова үздік атанды, екінші орын — Тарбағатай ауданы ПБ аға криминалисті полиция лейтенанты Сындар Бақтыбаева, үшінші қола орынды Сол жағалау ПБ жедел уәкілі полиция аға лейтенанты Алтынай Нұрланқызы иеленді.
Ерлер арасында бірінші орынды учаскелік аға инспектор полиция подполковнигі Темірбек Хасенов, екінші орынды Өскемен қаласы ПБ Кадр және тәрбие жұмысы бөлімінің бастығы полиция подполковнигі Медет Жағабаев, үшінші орынды ПД ППБ қызметінің инспекторы аға лейтенант Әсет Қалихан жеңіп алды.
Чемпионат жеңімпаздары грамоталармен және медальдармен марапатталды.
