Мемлекет басшысы Қасым-Жомарт Тоқаев 3-4 сәуірде Өзбекстанға барып, «Орталық Азия — Еуропалық Одақ» саммитіне қатысады, деп хабарлады сейсенбіде Мемлекет басшысының баспасөз қызметі.
Кеңеске Орталық Азия басшылары мен Еуропалық Одақ кеңесінің президенті Антониу Кошта, Еуропалық комиссияның жетекшісі Урсула фон дер Ляйен келеді деп жоспарланып отыр. Жиында Орталық Азия елдері мен Еуропалық Одақтың саяси экономикалық байланысын арттыру, Транскаспий халықаралық дәлізінің мүмкіндігін кеңейту мәселелері талқыланбақ.
