Ресей Орталық банкі «қаржы нарығындағы ауытқуларды азайту үшін» ішкі нарықта шетел валютасын сатып алуды жыл соңына дейін тоқтату туралы шешім қабылдады, деп жазады Turanews.kz TRT-ге сілтеме жасап.
Банктің жазбаша мәлімдемесінде 10 тамыз күнінен бастап жыл соңына дейін бюджет ережелеріне сәйкес ішкі нарықта валюта сатып алудың тоқтатылатыны айтылған.
Шешімнің қаржы нарықтарындағы ауытқуды азайтуға бағытталғанына назар аударылған мәлімдемеде қаржы нарықтарындағы жағдайға байланысты валюта сатып алудың қайта жалғасатыны білдірілді.
Доллар/рубль паритеті кеше 2022 жылдың наурыз айынан бері алғаш рет 98 деңгейінен асты.
Ресейдің бюджет ережесіне сәйкес мұнай мен табиғи газдың түсімдері азайған кезде Ұлттық әл-ауқат қорынан шетел валютасы сатылады, кіріс өскен кезде шетел валютасын сатып алу жүзеге асырылады.
