Қытайда жаңа респираторлық вирус таралып, ол балаларға жаппай жұға бастады, деп хабарлайды TuraNews.kz.
Sky News хабарлауынша, жергілікті баспасөзде ата-аналар мен балаларға толып жатқан ауруханалардың видеолары тараған.
23 қарашада Дүниежүзілік денсаулық сақтау ұйымы Қытайдың солтүстігінде балалар арасында белгісіз пневмонияның өршуі туралы хабарлады. Онда айтылуынша, бір-бірінен 500 миль қашықтықта орналасқан Бейжің мен Ляониндегі балалар емханалары «ауруларға толы кеткен».
«Көптеген балалар ауруханаға жатқызылды. Оларда жөтел жоқ, бірақ дене қызуы көтеріліп (қызба), өкпесінде түйіндер бар», — деп хабарлады агенттік жергілікті тұрғынның сөзін.
Дүниежүзілік денсаулық сақтау ұйымы Қытайға балалардағы індеттің зертханалық нәтижелерін алу үшін ресми сұрау жіберген. Ұйымы Қытайдан профилактикалық шараларды, соның ішінде вакцинацияны, бетперде киюді, әлеуметтік қашықтықты сақтауды, ауырған кезде үйде болуды және қолды үнемі жууды ұсынған.
Қытай шенеуніктері жағдайдың өсуін ауа райының салқындауы, сондай-ақ COVID-19 шектеулерінің алынып тасталуы және кейбір патогендердің таралуымен байланыстыруда.
