Қырғызстанда жанармай арзандауы мүмкін
![](https://turanews.kz/wp-content/uploads/2023/01/benzin_2621-780x470.jpg)
Қырғызстанда 2023 жылдың қаңтарынан бастап жанармайдың көтерме бағасы арзандап жатыр, деп хабарлайды ҚазАқпарат агенттігі.
Қырғызстан Антимонополияны реттеу қызметінің хабарлауынша, алдағы айда бағаны кезең-кезеңімен төмендету нәтижесінде, елдің ірі мұнай трейдерлері тариф саясатын қайта қарап, жанар-жағармай материалдарының (ЖЖМ) 1-1,5 айға жететін қоры болса жанармай бағасын 5-6 сомға түсіреді.
Мониторинг дерегінше, биылғы қаңтарда АИ-92 маркалы жанармайдың орташа бағасы былтырғы жылдың осы кезеңімен салыстырғанда 1,2 сомға арзандады. Дегенмен дизель отынының орташа бөлшек бағасы, керісінше, бір жыл ішінде 58,8-ден 74,1 сомға қымбаттады.
Сондай-ақ, жергілікті БАҚ-тың хабарлауынша, сарапшылар жанармай бағасы 1,5-2 сомнан артыққа арзандамайды деген болжам жасап отыр. ҚР-ның ЖЖМ нарығында табиғи монополия құрылған, отынның басым бөлігі Ресейден келеді. Бензин бағасына қатысты жағдай нарық трансформацияланғанда ғана өзгеруі мүмкін.