Қырғызстанда жала жапқанға жазаны күшейту ұсынылды
Қырғызстанда бұқаралық ақпарат құралдары мен интернетте адамға жала жапқаны және ар-намысына тигені үшін жазаны қатаңдату ұсынылады. Министрлер кабинеті әзірлеген тиісті заң жобасы Парламенттің қарауына енгізілді.
Құжатты әзірлеушілер Қырғызстанда БАҚ және әлеуметтік желілер арқылы адамдарға тіл тигізу мен кемсітудің көбеюі байқалғанын атап өтті.
Қазір қолданыстағы Қырғызстанның азаматтық заңнамасы ар-намысқа тиіп қорлаған жағдайда жеткілікті әрі тиімді жауап бермейді. Бұқаралық ақпарат құралдарына және интернетке таратылған ар-намысқа тию мен қорлау жалпы қоғамға теріс әсер етеді. Бұл қақтығыстардың күшеюіне, тұлғааралық қатынастардың нашарлауына және қоғамдық тұрақтылықтың бұзылуына әкелуі мүмкін.
Түзетулер енгізу арқылы айыппұл түріндегі келесі жауапкершілік көзделеді:
— БАҚ -та, интернет желісіндегі сайтта немесе интернет желісіндегі сайттың бетінде – жеке тұлғаларға -1000 есептік көрсеткіш (100 мың сом) мөлшерінде, заңды тұлғаларға -2000 есептік көрсеткіш (200 мың сом) мөлшерінде әдепсіз нысанда көрсетілген басқа адамның ар-намысы мен қадір-қасиетін қасақана қорлағаны үшін.
— Жала жапқаны, яғни басқа адамның ар-намысы мен қадір-қасиетіне нұқсан келтіретін немесе оның беделіне нұқсан келтіретін жалған мәліметтерді таратқаны үшін бұқаралық ақпарат құралдарында, интернет желісіндегі сайтта немесе интернет желісіндегі сайттың бетінде жеке тұлғалар үшін 1000 есептік көрсеткіш (100 мың сом) мөлшерінде, заңды тұлғаларға айыппұл көзделген – 2000 есептік көрсеткіш (200 мың сом).
