Қырғызcтан-Германия бизнес форумының қорытындысы бойынша бірқатар құжаттарға қол қойылды
Қырғыз Республикасы Министрлер Кабинеті Төрағасының Бірінші орынбасары Адылбек Қасымалиев Майндағы Франкфурт қаласына (Германия) жұмыс сапары аясында «Франкфурт-на-Майнеде Қырғызстанның экономика күні» атты қырғыз-герман бизнес форумына қатысты.
Қырғызстан Министрлер Кабинеті баспасөз қызметінің мәліметінше, бизнес-форумның қорытындысы бойынша бірқатар құжаттарға қол қойылды:
— Қырғызстан Министрлер Кабинетінің жанындағы Жасыл энергия қоры мен «ODDO BHF» неміс-француз банктік тобы арасындағы өзара түсіністік туралы меморандум;
— «Ауыл Банк» ААҚ, «МТС Стандарт Агросервис» ЖШС және Amazonen-Werke компаниясы арасында лизингтік мақсатта ауыл шаруашылығы техникасын жеткізу шарты;
— «Ауыл Банк» ААҚ, «МТС Стандарт Агросервис» жауапкершілігі шектеулі серіктестігі және «Grimme Landmaschinenfabrik» компаниясы арасында лизингтік мақсатта ауыл шаруашылығы техникасын жеткізу шарты.
Форумда сөз сөйлеген Қырғызстан Министрлер кабинеті төрағасының бірінші орынбасары Адылбек Қасымалиев 32 жыл бойы өзара ынтымақтастықта неміс әріптестері елімізде бірқатар әлеуметтік маңызы бар жобаларды жүзеге асырғанын атап өтті. Ол әсіресе Бішкек қаласында ең заманауи стандарттарға сай салынып, жабдықталған туберкулезге қарсы клиника мен перинаталдық орталықтың ашылғанын айтты.
«Соңғы төрт жылда бірлескен тауар айналымы 5,5 есеге, оның ішінде импорт 6 есеге жуық өскенін көрсетеді, сонымен қатар Қырғызстанда 180-нен астам бірлескен қырғыз-неміс кәсіпорны жұмыс істеуде», — деді ол.
