Қырғызстанда «Bayraktar TB2» үшін база құрылды

Өткен жылы Түркиядан сатып алынған «Bayraktar TB2» қарулы ұшқышсыз әуе аппараттары үшін Қырғызстанда база құрылды, бұл туралы ел президентінің баспасөз қызметі хабарлады.

Қырғызстан Президенті Садыр Жапаров Қырғызстан ұлттық қауіпсіздік мемлекеттік комитеті Шекара қызметіне қарасты «Bayraktar TB2» қарулы ұшқышсыз әуе аппараттары үшін құрылған базаны ашты.

Ұлттық қауіпсіздік мемлекеттік комитетінің төрағасы генерал Камчыбек Ташиевтің де қатысқан ашылу салтанатында Жапаров «Bayraktar TB2» қарулы ұшқышсыз әуе аппараттары құжатына қол қойды.

Осында сөйлеген сөзінде Жапаров бейбітшілік пен тұрақтылықтың ел шекарасынан басталатынын айтып, базаның әуе және шекара қорғанысы міндеттерін орындайтынын баса айтты.