Қазақстанның екі газеті бірікті!
«Қазақ газеттері» мен «Егемен Қазақстан» біріктіріліп, оған Дихан Қамзабекұлы басшы болды
![](https://turanews.kz/wp-content/uploads/2023/01/gazetter-kydyrali-780x470.jpg)
ҚР Ақпарат және қоғамдық даму министрі Дархан Қыдырәлі Алматыда қайта құрылған «Қазақ газеттерінің» ұжымымен кездесті. Бұл туралы министр Facebook парақшасында жазды, деп хабарлайды Turanews.kz.
Министрдің мәліметінше, «Қазақ газеттері» мен «Егемен Қазақстан» ЖШС-ның бірігу жұмыстары сәтті аяқталды.
«Қазақ газеттері» деп аталатын құрылым өз дамуының жаңа кезеңіне аяқ басты деп айта аламыз. Жаңа құрылым жаңа ғимаратта жұмысын бастады. Ұжым қызметкерлерінің жалақысы, қаламақы және сыйақы өсті. Алда да атқарылатын жұмыс көп. Енді «Егемен Қазақстан», «Казахстанская правда», «Ана тілі», «Ақиқат», «Мысль», «Теңге монитор», «Ұйғыр авази», «Үркер», «Ақжелкен», «Балдырған», «Ұлан», «Дружные ребята» басылымдары бір шаңырақтың астында қызмет істейді. Бұл – ортақ ақпараттық қызмет», — деп жазды Дархан Қыдырәлі.