Қазақстанның бірнеше өңірінде су тасқыны қаупі ескертілді

«Қазгидромет» РМК (Гидрология департаменті) 11 наурыздағы деректер бойынша, Қазақстанның бірнеше өңірінде су тасқыны қаупі ескертілді. Бұл туралы Төтенше жағдайлар министрлігінің ресми сайты хабарлайды.

12-14 наурыз аралығында Жамбыл, Жетісу Алматы облысы және Алматы қаласы маңындағы таулы аймақтарда қатты жаңбыр болжамына байланысты беткейлік ағын қалыптасуы және өзендерде су деңгейінің жоғарылауы ықтимал.

Сондай-ақ, Шығыс Қазақстан, Атырау, Ақтөбе және Батыс Қазақстан облыстарында аралас жауын-шашын болжамына, температуралық фонның жоғарылауына байланысты қарқынды қар еруі, беткейлік ағын қалыптасуы, мұз жібуі және өзендерде су деңгейі көтерілуі мүмкін. Судың жайылуы және тасқыны болуы ықтимал.