Қазақстандықтардың жартысына жуығы екі тілде сөйлейді
![](https://turanews.kz/wp-content/uploads/2023/11/salem-780x470.png)
2021 жылғы халық санағы бойынша 5 жастан асқан халықтың 44,9% — екі тіл, 28,6% – үш тіл меңгерген. Санақ қорытындысы бойынша тағы 1,7 пайызы 4 тілде сөйлейді, халықтың 0,2% 5 тіл біледі. 6 тіл білетін полиглоттардың үлесі 0,1% немесе 8 845 адамды құрады, деп ҚазАқпарат агенттігіне сілтеме жасап TuraNews.kz хабарлайды .
Ұлттық статбюроның мәліметінше, ерлерге қарағанда 4-5 тілді меңгерген әйелдердің үлесі басым, сәйкесінше 47,9% және 52,1%.
Бірақ 6 және одан да көп тілді білетін ерлер үлесі, керісінше, әйелдердің үлесінен асып түседі — 55,6%.
Өңірлік бөліністе 5 және одан да көп тілді білетін полиглоттар Алматы қаласында тұрады.
Бұл ретте 35,1% немесе 6 042,1 мың адам ағылшын тілін біледі, оның 27,6% — еркін сөйлейді.
Жас сегментінде ағылшын тілін білетіндердің үлесі 10-14 жас және 25-29 жас аралығында көп.