Қазақстан мен Түркия тұқым шаруашылығы саласындағы бірлескен жобалармен жұмыс істейді
![](https://turanews.kz/wp-content/uploads/2023/11/kz-tr-auylsharsuashylygy-780x470.jpeg)
Вице-министр Әбілхайыр Тамабек Түркияға сапары аясында сол елдің ауыл шаруашылығы министрінің орынбасары Эбубекир Гизлигидермен кездесті, деп хабарлайды TuraNews.kz.
Кездесудегі басты мақсат Қазақстанға инвестициялар тарту, сондай-ақ қос ел арасындағы ауыл шаруашылығы, атап айтқанда тұқым шаруашылығы саласындағы ынтымақтастық дамыту.
![](https://turanews.kz/wp-content/uploads/2023/11/kz-tr-auylsharsuashylygy2.jpeg)
Осы сапарында Әбілхайыр Тамабек өнеркәсіпшілер мен тұқым өндірушілер бірлестігінің (TSUAB), Түркияның TÜRKTOB тұқым өсірушілер қауымдастығының және ECOSA экономикалық ынтымақтастық ұйымының тұқым шаруашылығы қауымдастығының өкілдерімен де жолықты. Вице-министр олармен тұқым шаруашылығы бойынша алдағы уақытта іске асатын бірлескен жобаларды, тұқымның жаңа сорттарын өсіруді талқылады.
Кездесуде Эбубекир Гизлигидер Анталияда 2023 жылдың 22-25 қарашасы аралығында GROWTECH жылыжайларының, ауылшаруашылық технологияларының және мал шаруашылығына арналған жабдықтардың 22-ші халықаралық көрмесі өтетінін айтты. Ол Қазақстанның атынан Әбілхайыр Тамабекті осы жәрмеңкеге қатысуға шақырды.