Қасым-Жомарт Тоқаев Түркия Президентіне көңіл айтты
![](https://turanews.kz/wp-content/uploads/2023/02/tokaev-erdogan-deprem-kahramanmaras-780x470.png)
Мемлекет басшысы Қасым-Жомарт Тоқаев Түркияның оңтүстік-шығысында көптеген адам шығынына әкеп соқтырған жер сілкінісіне байланысты осы елдің Президенті Режеп Тайип Ердоғанға көңіл айту жеделхатын жолдады, бұл туралы хабарлайды Turanews.kz Ақордаға сілтеме жасап хабарлайды.
«Түркия Республикасында болған аса күшті жер сілкінісі салдарынан көптеген адамның қаза тапқаны туралы суыт хабарды зор күйзеліспен қабылдадым. Осындай қиын сәтте жақындарынан айырылған отбасыларға, сондай-ақ бүкіл түрік ағайындарымыздың ауыр қайғыларына ортақтасып, Қазақстан халқының және жеке өзімнің атымнан көңіл айтамын», – деп жазылған жеделхатта.
Сонымен қатар Президент Қазақстанның Түркияға тиісті көмек көрсетуге дайын екенін жеткізді.
Бұған дейін хабарланғандай, 6 ақпанда Түркияда болған алапат жер сілкінісі салдарынан 76 адам қаза тауып, 440- жарақат алды және 140 ғимарат қираған.