Айтыс өнерінің ЮНЕСКО-ның Адамзаттың материалдық емес мәдени мұралары тізіміне енгеніне 10 жыл толуына орай өткен бұл шараға сегіз танымал айтыскер қатысты, деп жазады Jibek Joly телеарнасы.
Шара 2015 жылы мақұлданған қазақ-қырғыз бірлескен номинациясы аясында өтті. Ұйымдастырушылардың айтуынша, айтыс Франция мен Еуропада тұратын қандастар мен қырғыз диаспорасы үшін ұлттық рухани мұрамен қайта қауышуға мүмкіндік берді.
«Айтыс — бауырлас қазақ пен қырғыз халықтарының рухани бірлігінің жарқын көрінісі. Бұл өнер бізді біріктіріп, ортақ тарих пен мәдениетімізді дәріптейді», — деді Қазақстанның ЮНЕСКО жанындағы Тұрақты өкілі Асқар Абдрахманов.
