Өзбекстанда ресейлік кәсіпорындар саны артты

Өзбекстанда Ресей капиталының қатысуымен жұмыс істейтін кәсіпорындар саны артып келеді. Бұл туралы  ӨзА агенттігіне сілтеме жасап Turanews.kz хабарлайды.

Өзбекстанның статистика агенттігінің мәліметі бойынша, 2023 жыл 1 наурыздағы жағдай бойынша республикада жұмыс істейтін шетелдік капиталдың қатысуымен кәсіпорындар мен ұйымдардың саны 13161 болды.

Олар қатарында Ресей капиталының қатысуымен жұмыс істейтін кәсіпорындар саны 2835-ті құрап, көш бастап тұр.

Өзбекстанда шетел капиталының қатысуымен жұмыс істейтін кәсіпорындардың саны:

• Ресей – 2835;
• Түркия – 1806;
• Қытай – 1763;
• Қазақстан – 988;
• Корея – 748.

2023 жылдың қаңтар-ақпан айларында шетел капиталының қатысуымен жаңадан құрылған кәсіпорындардың саны:

• Ресей – 151;
• Қытай – 65;
• Түркия – 40;
• Қазақстан – 34.