Энергетика министрлігінің баспасөз қызметінің хабарлауынша, 6 наурыз күні сағат 09:00-ден бастап ел аумағындағы метан құю станцияларының қызметі біртіндеп қалпына келтіріледі.
Наурыз айының басында ауа температурасының күрт төмендеуі салдарынан табиғи газ тұтыну көлемі артып, құбырларда қысым төмендеген болатын. Осыған байланысты тұрғындар мен әлеуметтік сала нысандарын табиғи газбен қамтамасыз етуге басымдық беріліп, метан құю станцияларының қызметі уақытша тоқтатылды.
Қабылданған жедел шаралардың нәтижесінде газ құбырларындағы қысым тұрақтандырылды.
6 наурыздан бастап барлық өңірлерде метан құю станцияларының жұмысы қайта жанданады.
