Басты
Өзбекстан Париж Олимпиадасының чемпиондарын құшақ жая қарсы алды
Кеше, 13 тамызда Париж Олимпиадасына қатысқан өзбекстандық спортшылар Өзбекстанға оралды. Өзбекстан халқы Ташкентте Олимпиада чемпиондарын жарқын қарсы қарсы алды.
Олимпиада ойындарының жеңімпаздары кортежде Ташкент көшелерімен футбол клубтары үлгісіндегі екі қабатты автобустармен жүріп өтті, ал қала тұрғындары спортшыларды жол бойында көптеген мемлекеттік тулармен қарсы алды.
Қарсы алу салтанатында сөз сөйлеген Сенат төрағасы Танзила Нарбаева Өзбекстан спортшыларының Парижде өткен жазғы Олимпиада ойындарындағы жетістіктері Өзбекстанның қуатты елге айналу жолында келе жатқанын тағы бір мәрте көрсеткенін атап өтті.
Сондай-ақ, Өзбекстан президенті Шавкат Мирзиеев құттықтау жолдап, Олимпиада ойындарында 13 медаль жеңіп алған спортшыларды құттықтады.
Естеріңізге сала кетейік, Өзбекстан 2024 Париж Жазғы Олимпиадасында 8 алтын, 2 күміс және 3 қола, барлығы 13 медаль жеңіп алды.
