MICHELIN Guide 2026: Түркия гастрономиясы жаңа деңгейге көтерілді

2026 жылға арналған MICHELIN Guide Türkiye таңдауы жарияланып, тізімге алғаш рет Каппадокия аймағы енді. Биылғы анықтамалыққа 54 жаңа мейрамхана қосылып, Түркияның әр өңіріндегі дәм мәдениетінің байлығы тағы бір мәрте дәлелденді.

Стамбулдың космополит асханасы, Измирдің жергілікті өнімге негізделген мәзірлері, Мугланың табиғи дәмдері және Каппадокияның ғасырлар бойғы дәстүрге сүйенген тағамдары бір тізімде тоғысып, шынайы гастротуристік карта қалыптастырды.

MICHELIN өкілдері келесі жылдан бастап Түркияның толық ұлттық іріктеуін жариялау жоспарланғанын айтты. Бұл – елдің гастрономиялық имиджін жаңа деңгейге шығаратын маңызды қадам.

Каппадокия – мұра мен дәм тоғысқан жаңа гастрономиялық бағыт

Тізімге жаңадан қосылған Каппадокия MICHELIN таңдауының назарын ерекше аудартты. Инспекторлар аймақтың жайлы атмосферасын, баяулыққа құрылған өмір ырғағын және ғасырлар бойы сақталған рецепттердің бүгінгі күнге бейімделген түрін жоғары бағалады.

Аймақтан 18 жаңа мейрамхана тізімге енді, оның ішінде Revithia – Каппадокияға алғашқы MICHELIN жұлдызын әкелген орын.

Измир: екі жұлдызды Vino Locale

Биылғы іріктеудің басты жаңалығының бірі – Измир қаласы алғаш рет екі MICHELIN жұлдызын еншілеп отыр. Vino Locale мейрамханасы жергілікті маусымдық өнімдерге сүйенген ерекше мәзірімен, түрік асханасын Азияның нәзік элементтерімен үйлестіре отырып, халықаралық деңгейде мойындалды.

Бұл орын Түркиядағы екі жұлдызды санаулы мейрамханалардың бірі болды.

Үш жаңа біржұлдызды мейрамхана

Екі жұлдыздан бөлек, Түркия тағы үш біржұлдызды мейрамханамен толықты:

• Revithia (Каппадокия) – көне, ұмыт бола бастаған рецептерді заманауи тәсілмен қайта жандандырған гастромекен.

• Araf (Стамбул) – оттың, түтіннің және минималистік техникамен дайындалған терең дәмдердің шағын гастробары.

• Mezra Yalıkavak (Мугла) – ферма, бақ және отқа пісірілген тағамдар философиясын үйлестірген табиғи дәм орталығы.

Осы үштікпен бірге Түркиядағы бір жұлдызды мейрамханалар саны 15-ке жетті.

Bib Gourmand: колжетімді, бірақ сапалы асханалар 16 орынмен толықты

MICHELIN-нің қолжетімді, бірақ жоғары сапалы асханаларға беретін Bib Gourmand белгісін Түркиядан 16 жаңа мейрамхана алды.

Арасында Измирдің жергілікті дәмін көрсететін Kemal’in Yeri және Каппадокияның табиғи өнімдерін ерекше құрметтейтін Babayan Evi де бар.

Түркия гастротуризмінің жаңа мүмкіндіктері

Жалпы нәтиже бойынша, таңдауға енген мейрамханалар саны – 115, оның ішінде 38-і – жаңа.

Стамбулдан бастап Каппадокияға дейін созылған гастрономиялық жолақ – Түркияны тек жағажай демалысымен емес, дәм мәдениетімен де саяхаттауға болатын елге айналдырып отыр.

MICHELIN инспекторлары елдің басты ерекшелігі ретінде қонақжайлық, дара стиль және дәстүрге құрметті атап өтті.

Michelin – өмірді өзгертетін композиттер мен тәжірибелердің әлемдік жетекші өндірушісі. 130 жылдан астам тәжірибесі бар Michelin полимерлі композиттер саласындағы терең білімін қолдана отырып, ұтқырлық, аэронавтика және энергетика сияқты маңызды салаларға арналған жоғары сапалы шиналар мен компоненттерді шығарады.

Компания өнімдеріне деген ұқыптылығымен қатар, кәсіби автопарктерге арналған деректерге негізделген шешімдерді және MICHELIN Guide арқылы таңдаулы мейрамханалар мен қонақүйлерді ұсыну арқылы ең жақсы тәжірибелерді ұсынады.

Бас кеңсесі Францияның Клермон-Ферран қаласында орналасқан Michelin 175 елде жұмыс істейді және 129 800 қызметкерді жұмыспен қамтиды. (www.michelin.com).