Майқайың кенішінде құлаған автобус табылды

Майқайың кенішінде құлаған автобус топырақ астында 5-7 метр тереңдікте табылды, деп хабарлайды TuraNews.kz Pavlodarnews.kz сайтына сілтеме жасап.

Іздеудің төртінші күні құтқарушылар Майқайың кенішінде болжам бойынша құлауы мүмкін автобустың орнын анықтады.

Облыстық төтенше жағдайлар департаменті баспасөз қызметінің хабарлауынша, жер астындағы металл затты түбінен бес метр тереңдікте геосканер байқаған. Аумақты «Алтыналмас АК» АҚ мамандары тексерді. Бригаданы «Богатырь Көмір» компаниясының автокраны төмен түсірді. Құтқарушылардың болжамы бойынша, табылған метал тереңдікке құлаған автобус болуы мүмкін.

«АК Алтыналмас» АҚ – Балқаш қаласының мамандары мен ТЖД құтқарушылары кран орнатып, бос орындарды, металды немесе басқа да ауытқуларды анықтау үшін жергілікті жерді геосканерлеу жүргізді.

«Сканерлеу сағат 15.30-да аяқталды. Қазір нәтижелер өңделуде, шамамен автобустың жатқан жері анықталды. Оның жоғарғы бөлігіне дейінгі тереңдік шамамен 5-7 метрді құрайды», – деп жазды облыс әкімі Асайын Байханов Іnstagram парақшасында.

Естеріңізге сала кетейік, көлік жұмыс істемейтін «Майқайың-алтын» шахтасының маңында жер астына түсіп кеткен. Автобуста төрт адам болды, олардың екеуі 4 қаңтарда түстен кейін табылды. Іздеу жұмыстарына 134 адам, 37 машина, үш кинологиялық есеп және екі дрон жұмылдырылды.