Каспий теңізіне мұнай төгілді
Еуропалық Sentinel-1A спутнигінің радиолокациялық бейнесінде қазақстандық кен орны мен Қашаған мұнай өндіру орнында төгілу дерегі анықталды
Каспий теңізіне мұнай төгілгені жайлы «Глобус» экологиялық-құқықтық бастамасы орталығының атқарушы директоры Галина Чернова мәлімдеді.
«Осы ғарыштық мониторингті жүзеге асыратын топтың деректері бойынша еуропалық Sentinel-1A спутнигінің радиолокациялық бейнесінде қазақстандық кен орны мен Қашаған мұнай өндіру орнында төгілу көрсетілген. Бүлінген алаң шамамен 7 шаршы шақырым, дақ Каспий теңізінің солтүстігіне қарай жылжыды», — деді ол.
Болжамды себептері:
— өндіріс кезінде мұнайдың кездейсоқ немесе авариялық ағуы;
— құрамында мұнай өнімдері бар өндірістік суларды ағызу, олар сақталуы және кәдеге жарату үшін құрлыққа шығарылуы тиіс;
— қызмет көрсету кемелерінде болуы мүмкін апаттық жағдай;
«Айта кету керек, бұл төгілу алдында, яғни 29 наурызда NCOC компаниясы Дамба ауылында компанияның теңіз кешенінің жұмысы бойынша қоғамдық тыңдаулар өткізді. Тыңдауға қатысушылардан және Zoom арқылы залда айтылған барлық сұрақтарға компания менеджерлері компания ауаның да, теңіз суының да ластануына жол бермейді деп жауап берді: NCOC мамандары мен жобаны әзірлеушілердің баяндамалары мен презентацияларында компания біздің аймақтың қоршаған ортасына «нөлдік» шығарындылар мен төгінділерге ұмтылатыны хабарланды. Бірақ бұл солай ма? Компания басқа нәрсе туралы айтады. Ал фактілер, өздеріңіз білетіндей, мүлдем басқаша»,- деп қорытындылады Галина Чернова.
Тілге тиек етсек, бұрын Каспи теңізінде майлы дақтар табылған болатын. Алайда Маңғыстау экологтары Ақтау жағалауына мониторинг жүргізіп, зиянды заттар концентрациясының артқанын анықтаған жоқ.
