Енді телефон синхронды аудармашы болып көмектеседі
![](https://turanews.kz/wp-content/uploads/2024/01/google-transate-realtime.jpg)
Технологиялық жаңалықтар платформасы gizmodo.com сайты Google Translate-ті нақты режимде аудармашы ретінде пайдалануға болатынын жазды. Aikyn.kz осы мақалаға сілтеме жасай отырып, телефонда аудармашы функциясын қолдану тәсілдерін түсіндіреді.
Күнделікті қолданатын смартфонда ондаған қолданбалар орнатылған және күн сайын олардың мүмкіндіктері жетілдіріліп отырады. Оларды қадағалау да оңай емес. Мысалы, Android немесе iOS жүйелеріне арналған Google Translate қолданбасына нақты режимде дауысты аудару мүмкіндігі қосылды.
Бұрын ағылшын немесе хинди, испан тілдерін білмейтін, түсінбейтін адаммен сөйлесу мүмкін емес еді. Немесе мәтінді теріп, оны аудартып, сұхбаттасып жатқан адамға оқыту керек болды. Енді осының бәрі жеңілдеді. Синхронды аударма опциясы екі адам сөйлесіп тұрғанда олардың сөздерін бір-біріне аударып беретін керемет мүмкіндік. Бұл опцияда тілдерді де өзгертуге болады, қазірше опция 8 тілді қолдайды.
Жаңа функция Google көптеген жылдар бойы дамытып келе жатқан смарт AI технологиясына негізделген. Бұл функция әр тілде сөйлейтін адамдардың бірін-бірі дұрыс түсінуіне жақсы көмекші. Әуежай мен вокзалға, отельге баратын жолды табу немесе тапсырыс беру сияқты өмірде кездесетін жағдайларда аудармашы іздеп қиналмайсыз. Телефонды ортада ұстап сөйлеп оны аудармашы ретінде қолданасыз.
![](https://s3.ap-south-1.amazonaws.com/aikyn.kz/upload/media/entries/2024/01/260785-entry-0_1-1704259456.jpg)
Нақты режимдегі аударма қалай жұмыс істейді?
Егер телефонда Google Translate қолданбасы орнатылған болса, бұл функцияны еркін қолдануға болады. Тек бұл мүмкіндікті қолдану үшін интернетке кіру қажет. Егер адам шетелде болса, Wi-Fi кіру нүктелерін табу оңай болмауы мүмкін, бұндай кезде байланыс үшін көбірек ақы төлеу мүмкін екенін естен шығармау керек.
Google бұл нақты уақыттағы аударма мүмкіндігін Транскрипция мүмкіндігі деп атайды және сегіз тілге қолдау көрсетіледі: ағылшын, француз, неміс, хинди, португал, орыс, испан және тай тілдері. Осы тізімдегі тілдердің кез-келгенімен бейтаныс адамдарға өзіңізге не керектігін түсіндіре аласыз.
Google Translate қолданбасын жүктеп алған соң төменгі сол жақ бұрышта «Сөйлесу» түймесін көресіз. Егер ол сұр түске боялып, қолжетімсіз болса, бұл қазіргі таңда таңдалған енгізу тілі транскрипцияны қолдамайтынын білдіреді. Аударғыңыз келетін тілді таңдау үшін сол жақтағы («Сөйлесу» түймесінің үстінде) жолақты және аударғыңыз келетін тілді таңдау үшін оң жақтағы жолақты түртіңіз. Бұл функция тілді автоматты түрде анықтай алмайтынын да ескеріңіз.
![](https://s3.ap-south-1.amazonaws.com/aikyn.kz/upload/media/entries/2024/01/260785-entry-0_2-1704259458.jpg)
Аударма опциялары және қосымша мүмкіндіктер
Тілдерді таңдағаннан кейін «Сөйлесу» түймесін басып сөйлесуді бастай аласыз. Экранның төменгі жағында үш түйме бар. Сіздің сұхбаттасушы адамыңыз сөйлей бастағанда оның сөйлейтін тілін таңдайсыз. Немесе қолданбаның әртүрлі дауыстарды аударатын Автоматты опциясын таңдаңыз.
Бір-бірімен сөйлесіп тұрған адамдардың не айтқаны мәтін түрінде экранда көрсетіледі. Бұл сіздің айтқаныңыз дұрыс аударылып жатқанына қосымша көз жеткізу үшін ыңғайлы.
![](https://s3.ap-south-1.amazonaws.com/aikyn.kz/upload/media/entries/2024/01/260785-entry-0_3-1704259460.jpg)
Google Translate қолданбасының дауыстық формасы да экранда көрсетіледі. Бірақ оны өңдеу мүмкін емес, бірақ оны қайта оқу үшін жанындағы динамик белгішесін түртуге болады.
Мәтін транскрипциясын басқа жерге көшіру қажет болса, стандартты мәтін таңдау опциялары осы жерде қолданылады: Android немесе iOS жүйесінде мәтінді таңдау үшін мәтін блогын түртіп, ұстап тұрыңыз. Сіз сөйлеген кезде экранда мәтіндік аудармалар пайда болады.
Негізгі Google Translate экранына оралыңыз. Google есептік жазбасының профиль суретін (жоғарғы оң жақта) түртіп, содан кейін «Параметрлер» тармағында өзгертуге болатын бірнеше опция бар. Сіз пайдаланатын дауыстың аймақтық акцентін, дауыстық жауап беру жылдамдығын өзгертуге, сонымен қатар Google Translate тарихын өшіруге болады.
Google Translate-тің басқа да функцияларын мына сілтеме бойынша көруге болады