Дэвис кубогы: Қазақстан мерзімінен бұрын келесі кезеңге өтті
![](https://turanews.kz/wp-content/uploads/2023/09/bublik-daviscup-780x470.jpg)
Болгарияның София қаласында өтіп жатқан Дэвис кубогынің плей-офф матчында Қазақстан құрамасы корт иесін ұтты, деп жазады Turanews.kz BasSport.kz-ке сілтеме жасап.
Алдымен, Қазақстанның екінші, әлемнің 123-ракеткасы Тимофей Скатов Болгария сапынан Димитар Кузмановты жеңген. Есеп – 6:4, 6:3. Екінші кездесуде әлемнің 29-ракеткасы Александр Бублик дүниежүзілік рейтингте 569-орында тұрған Янаки Милевты оңай жеңді.
Сосын жұптық сында Қазақстаннан Александр Бублик пен Александр Недовесов болгариялық Александр Донски — Александр Лазаров тандеміне есе жіберіп алды.
Ал төртінші ойында Бублик Димитар Кузмановтың осал тұсын тапты. Жерлесіміз қарсыласын 6:4, 7:6 (7:4) есебімен тізе бүктірді.
Қазақстан құрамасы алдағы жылдың ақпанында Дэвис кубогінің финалдық кезеңіне шығу үшін шешуші матч өткізеді.