Біріккен Ұлттар Ұйымының Гуманитарлық істерді үйлестіру кеңсесі баспасөз хатшысы Йенс Лаерке Қаратеңіздегі астық бастамасын жандандыруға назар аударып жатқандарын айтты, деп хабарлайды Turanews.kz TRT-ге сілтеме жасап.
Лаерке былай деді: «Қаратеңіз бастамасына қайта оралу Ресей Федерациясынан да, Украинадан да миллиондаған тонна астық пен тыңайтқыштың экспортын жеңілдетеді, сондай-ақ нарықтарды босаңсытады және Қаратеңіздегі теңіз қауіпсіздігін арттырады деп сенеміз».
Президент Режеп Тайып Ердоған кеше Ресей Президенті Владимир Путиннің Сочиде өткізген баспасөз мәслихатында «Біз бастаманы олқылықтардың орнын толтыру арқылы жалғастыру керек деп есептейміз. Мен екі жақты кездесуімізде қымбатты досыммен осы мәселе бойынша өз пікірімізді шын жүректен айттым. Осы тұрғыда біз Біріккен Ұлттар Ұйымымен консультация дайындап, жаңа ұсыныстар қамтылған маңызды пакет дайындадық. Мен бұл жаңа процесс арқылы нәтижеге жетуге болады деп ойлаймын. Жақын арада шешімге қол жеткіземіз деп үміттенемін» деген еді.
Путин де «Астық дәлізін жандандырғымыз келеді, жасаймыз. Ауыл шаруашылығы өнімдеріміздің де теңізге еш кедергісіз жетуін қалаймыз» деген болатын.
