Кеше елордада 90 елден 2000-нан астам спортшы қатысуымен V Дүниежүзілік көшпенділер ойындарының ашылу салтанаты өтті. 30 000 орындық Астана Аренада өткен шараның ашылу салтанатында сөз сөйлеген Дүниежүзілік этноспорт конфедерациясының президенті Біләл Ердоған дәстүрлі спорт түрлерінің жаһандық маңызының артып келе жатқанына тоқталды.
Ердоған өз сөзінде бұл ойындардың спорттық іс-шара ғана емес, ортақ мәдени мұраны сақтауды және халықтар, әсіресе Қазақстан мен Түркия арасындағы бірлікті нығайтуды бейнелейтінін атап өтті.
«Бұл шара дәстүрлі спорт түрлерін біріктіру үшін ғана емес, ортақ мәдени мұрамызды сақтап, келешек ұрпаққа жеткізуге деген жігерімізді танытатын маңызды оқиға. Қазақстан осы мерекелік іс-шараны сәтті ұйымдастыруға көп күш жұмсады. Президент Тоқаевты және қазақ халқын елдің дәстүріне беріктігі мен адалдығы үшін алғыс айтқым келеді», — деді ол.
Ердоған конфедерацияның мәдени байлық пен ынтымақты білдіретін дәстүрлі спорт түрлерін насихаттаудағы рөліне де тоқталып, ортақ тарихқа негізделген байланыстарды нығайту үшін түрік мемлекеттері арасындағы ынтымақтастықты нығайтуға әрқашан дайын екенін айтты.
Айта кетейік, 13 қыркүйекке дейін жалғасатын ойындарда садақ ату, атқа міну, дәстүрлі зияткерлік ойындар сияқты сынды спорттың 21 түрі бар.
