Әзірбайжан Иранға кезекті гуманитарлық көмек партиясын жіберді

18 наурызда Әзірбайжан билігі көршілес Иран халқының ағымдағы қажеттіліктерін өтеу мақсатында кезекті гуманитарлық көмек керуенін жолға шығарды. Бұл шара екі ел президенттері Ильхам Әлиев пен Масуд Пезешкианның 8 наурызда өткен телефон арқылы сөйлесуінен кейін жүзеге асырылып отыр.

Жалпы салмағы 82 тоннаны құрайтын көмек пакеті 5 жүк көлігіне тиелген. Оның құрамында:

• 76 тонна азық-түлік өнімдері;

• 4 тонна дәрі-дәрмек;

• 2 тонна медициналық құрал-жабдықтар бар.

Көмек керуені Наурыз мейрамы қарсаңында жіберілуіне байланысты, азық-түлік тізіміне мерекелік тартулар мен дәстүрлі сыйлықтар да қосылған. Айта кетейік, осыған дейін 10 наурызда Әзірбайжан тарапы Иранға алғашқы көмек партиясын жеткізген болатын.