Құрамында Ақтау және Құрық порттарының басшылары бар Индустрия және инфрақұрылымдық даму министрі Марат Қарабаев бастаған Қазақстан делегациясы сенбі күні Баку халықаралық теңіз сауда портына барды, деп хабарлайды Turanews.kz ҚазАқпарат-қа сілтеме жасап.
АЗЕРТАДЖ мәліметінше, тараптар транзиттік жүк тасымалдау көлемін арттыру мәселелерін талқылады. Тұрақты сауда ағынын қамтамасыз ету, маңыздылығы жылдан жылға артып келе жатқан жоба — Орта дәліз аясында жүйелі байланыстар орнату, сондай-ақ экологиялық тұрақтылықты қамтамасыз ету мәселелері сияқты тақырыптар басты назарда болды.
Айта кетейік, осы жылдың жеті айында Баку порты арқылы Қазақстан порттарынан жүк тасымалдау көлемі 15 пайызға өсті.
