Астанада V Дүниежүзілік көшпенділер ойындарының алғашқы жарыстары басталды. Бүгін сағат 09.00-де жамбы атудан спортшылар «жарыс жолына шықты».
Сондай-ақ, бүгін сағат 19.00-де V Дүниежүзілік көшпенділер ойындары салтанатты ашылу рәсімі өтеді.
V Дүниежүзілік көшпенділер ойындары 13 қыркүйекке дейін жалғасады. Оған 89 елден 2 мыңнан астам спортшы қатысады. Олар спорттың 21 түрі бойынша 97 медаль жиынтығына таласады.
Ойындар бірнеше жерде өтеді: «Думан» қонақ үйі, «Қазанат» ипподромы, этноауыл, Ж. Үшкемпіров атындағы жекпе-жек сарайы және «Алау» мұзайдыны мен «Астана Арена» кешенінде.
Айта кетейік, Көшпенділер ойынының ашылуы мен жарыстарын Qazsport телеарнасы көрсетеді.
