Парламенттің кезекті cессиясы барысында Арменияның Ұлттық жиналасы Армения мен Әзербайжан арасындағы мемлекеттік шекараны делимитациялау жөніндегі комиссиялардың бірлескен қызметі туралы ережені ратификациялады, деп хабарлайды Kazinform агенттігі.
«Армения Республикасы мен Әзербайжан Республикасы арасындағы мемлекеттік шекараны межелеу жөніндегі және Әзербайжан Республикасы мен Армения Республикасы мемлекеттік комиссияның мемлекеттік шекараны межелеу және шекара қауіпсіздігін қамтамасыз ету мәселелері бойынша бірлескен комиссияның қызметі туралы» Ережені ратификациялау жобасы сәрсенбі күні Армения парламентінің отырысында қабылданды.
Жобаға 67 депутат дауыс берді. Талқылау және дауыс беруге екі оппозициялық фракция – «Честь имею» және «Армения» қатысқан жоқ.
Армения мен Әзербайжан арасындағы шекара делимитацияланбаған. 2022 жылы тараптар екі елдің премьер-министрлері орынбасарларының төрағалығымен шекараны делимитациялау мәселелері бойынша комиссиялар құрды.
2024 жылғы 19 сәуірде Армения Республикасы мен Әзербайжан Республикасы арасындағы шекараны делимитациялау мәселелері бойынша елдер комиссияларының сегізінші отырысы өтті. 23 сәуірде Армения мен Әзербайжан шекарасында алғашқы шекара бағаны орнатылды.
