Бұл туралы Түркияның Мәдениет және туризм министрі Мехмет Нури Эрсой мәлімдеді, деп жазады Kazinform.
Тиісті шешім Түркі мемлекеттері ұйымының (ТМҰ) туризм министрлерінің 10-отырысында қабылданды. Ұйымға Әзербайжан, Қазақстан, Қырғызстан, Түркия және Өзбекстан кіреді. Түркіменстан мен Венгрия бақылаушы мәртебесіне ие.
«Анкара бай мұралары, мұражайлары, мәдени орындары және мәдени әртүрлілігімен түркі әлемінің ортақ жадын көрсететін сирек қалалардың бірі», — деді ол.
Оның айтуынша, Анадолы жерінің қақ ортасында орналасқан бұл көне астана енді Түркияның ғана емес, бүкіл түркі әлемінің мәдени және туристік көрмесіне айналады.
«Біз 2026 жылы Анкараны бірге аша түсеміз және астанамыздың құндылықтарын бауырлас халықтармен біріктіруді жалғастырамыз», -деді Эрсой.
