Саясат
Әлібек Нәутиев пен Қайрат Тастекеев Өзбекстан мен Грузиядағы сайлауды байқауға қатысты
Қазақстан Республикасы Парламенті Сенатының депутаттары Әлібек Нәутиев пен Қайрат Тастекеев бірқатар елдерде өткен парламенттік сайлауды халықаралық байқау миссиясына қатысты. Екі сенатор да ЕҚЫҰ Парламенттік Ассамблеясы делегациясының құрамында Қазақстан атынан барған болатын.
Өзбекстанда жүрген Әлібек Нәутиев пен Грузияда болған Қайрат Тастекеев сайлау процесінің ашықтығын қамтамасыз етудегі екі елдің Орталық сайлау комиссиялары атқарған ауқымды жұмыстарға тоқтала келіп, сайлауды ұйымдастыру деңгейінің жоғары болғанын атап өтті.
Екі депутат сайлау халықаралық стандартқа сәйкес өткенін және сайлау процесінің барлық азаматқа қол жетімді болуы қамтамасыз етілгенін хабардар етті. Қазақстандық сенаторлар осындай байқау миссиясы өңірдегі тұрақтылық пен демократиялық дамуға жәрдемдесе отырып, мемлекеттер арасындағы өзара түсіністік пен ынтымақтастықты нығайтатынына сенім білдірді.
