Қоғам
Air Astana ұшақтары Қарабақ аумағын айналып өтуде
Air Astana компания ұшақтары Қарабақ аумағын айналып өтіп жатқанын мәлімдеді, деп жазады Turanews.kz.
«Қарабақтағы тұрақсыз жағдайға байланысты «Air Astana»-ның компаниялар тобының Түркияға, Еуропаға және Израильге баратын/келетін рейстері аталған аумақты айналып өтумен жүзеге асырылып жатыр. Авиакомпания жағдайды жіті бақылап отыр және ұшу қауіпсіздігінің барлық шараларын қабылдауда», — делінген компания мәліметінде.
Еске салайық, бұған дейін Әзербайжан Республикасының Қорғаныс министрлігі Қарабақ өңірінде жергілікті деңгейде антитеррорлық шараның жалғасып жатқанын мәлімдеген еді. Ал Арменияның Сыртқы істер министрлігі Әзербайжан тарапының ұстанымын өңірдегі жаңа әскери шиеленіске дипломатиялық дайындық ретінде бағалап отыр.
