Абай: Бородулиха ауданында инфрақұрылым қарқынды дамуда
Бородулиха ауылы жолаушылар тасымалын ұйымдастыру мәселелеріне әлі де тап болып отыр, бірақ жағдайды жақсарту үшін көлік және әлеуметтік инфрақұрылым саласында бірқатар қадамдар жасалып жатыр.
Өңірде экономикалық өсіммен қатар, жолаушылар тасымалы мәселесін шешуге және инфрақұрылымды дамытуға ерекше назар аударылуда, деп хабарлайды TuraNews.kz.
Аудан орталығы – Бородулиха ауылы Семейден 60 шақырымнан астам қашықтықта орналасқан, бұл әсіресе қыс мезгілінде тұрақты тасымал ұйымдастыруды қиындатады.
Айдар Ибраев атап өткендей, аудан тұрғындарының көбі жеке көліктерін немесе такси қызметін пайдаланады, сондай-ақ тұрақты жолаушылар тасымалын ұйымдастыру үшін кәсіпкерлермен келіссөздер жүргізіліп жатыр.
– Аудан орталығы – Бородулиха ауылы Семейден 67 шақырым қашықтықта орналасқан. Әрине, жолаушылар тасымалы мәселесі бар, бірақ тұрғындардың көпшілігі жеке көліктерін немесе такси қызметін пайдаланады. Біз жолаушылар тасымалын ұйымдастыру үшін кәсіпкерлермен келіссөздер жүргізудеміз, – деді аудан әкімі.
Сонымен қатар, 2024 жылы «Ауыл – ел бесігі» бағдарламасы аясында 8,5 шақырым асфальт жолы жөнделіп, көшелерді жөндеу, жарықтандыру және спорттық нысандар салу жобалары жүзеге асырылды. 2025 жылы жалпы ұзындығы 18 шақырымды құрайтын жолдарды жөндеу және төрт елді мекенде 20-дан астам көшені қайта жаңарту жоспарланған. Оған қоса, Переменовка ауылында жаңа су құбыры жүйесі салынып, Новошульба ауылында жылу желілерінің құрылысы аяқталмақ.
– 2025 жылы жалпы ұзындығы 18 шақырымды құрайтын жолдар жөнделеді, сондай-ақ төрт елді мекенде 20-дан астам көшені қайта жаңарту жоспарланған. Переменовка ауылында жаңа су құбыры жүйесі салынып, Новошульба ауылында жылу желілерінің құрылысы аяқталады, – деп қосты спикер.
Сондай — ақ, абаттандыру бағдарламасы аясында 47 бейнебақылау камерасы орнатылды. Өрт сөндірушілердің құрметіне ескерткіш саябақ ашылып, балалар мен спорт алаңдары салынды. 17 екіпәтерлі үйдің құрылысы аяқталуға жақын, ол 34 отбасын тұрғын үймен қамтамасыз етеді.
