2025 жылғы 26 қазанда өтетін шығып қалған мәслихат депутаттарының орнына сайлауға қатысатын кандидаттарға «Новое Радио (Жаңа FM)» радиостанциясында эфирлік уақытты ұсыну жөніндегі «Байлык Инновация» ЖШС-нің жалпы шарттары

Конституциялық заңның «Қазақстан Республикасындағы сайлау туралы» 101-бабының 1-тармағының 4) тармақшасына, 3-1 және 6-тармақтарына сәйкес және төмендегі қаулылар негізінде:

Қарағанды қалалық, Саран қалалық және Бұқар-Жырау аудандық сайлау комиссияларының қаулыларына сәйкес, 2025 жылғы 26 қазанда Қарағанды қалалық мәслихатының №8, №14 сайлау округтері бойынша, Саран қалалық мәслихатының №8 сайлау округі бойынша, Бұқар-Жырау аудандық мәслихатының №11 сайлау округі бойынша депутаттарды сайлау өтеді;

Сәтбаев қаласының аумақтық сайлау комиссиясының қаулысына сәйкес, 2025 жылғы 26 қазанда №6 және №12 сайлау округтері бойынша депутаттарды сайлау өтеді;

Ақкөл аудандық сайлау комиссиясының қаулысына сәйкес, 2025 жылғы 26 қазанда №4 сайлау округі бойынша депутатты сайлау өтеді.

Осыған байланысты, «Байлык Инновация» ЖШС, «Новое Радио (Жаңа FM)» радиостанциясының меншік иесі ретінде (бұдан әрі – Радиостанция), мәслихат депутаттығына кандидаттарды үгіт материалдарын орналастыруға арналған эфир уақытын ұсыну шарттары, тәртібі және төлем мөлшері туралы хабарлайды.

Үгіт жұмысы кандидаттарды тіркеу мерзімі аяқталған сәттен басталып, сайлау алдындағы күнгі жергілікті уақыт бойынша түнгі сағат 00:00-де аяқталады. Осылайша, үгіт материалдарын эфирде орналастыру 2025 жылғы 30 қыркүйек пен 25 қазан аралығында жүзеге асырылады.

Эфир уақыты Радиостанцияның техникалық мүмкіндіктеріне қарай ұсынылады, яғни жарнама мен басқа да хабарлардың болуына байланысты өзгеруі мүмкін.

Кандидаттардың үгіт материалдарын орналастыру келесі форматта жүзеге асырылады:

Хронометражы 30 секундтан аспайтын аудиороликтер;

Тікелей эфирге қатысу.

Төлем мөлшері:

Эфирде үгіт материалын орналастыру – 1 минутқа 20 000 теңге (ҚҚС-сыз);

Аудиороликті (30 секундқа дейін) дайындау – 30 000 теңге (қазақ және орыс тілдерінде жеке-жеке);

Тікелей эфирге қатысу – 20 000 теңге/минут.

Радиостанцияның таралу ауқымы:

«Otau TV» спутниктік желісінде №216 арна, «Тегін» топтамасында;

Қала және елді мекендердегі жиіліктер:

Ақкөл – 107,8 FM

Есік – 103,2 FM

Жезқазған – 106,6 FM

Қарағанды – 101,2 FM

Сәтбаев – 106,6 FM

Степногорск – 104,8 FM

Теміртау – 101,2 FM

Қарқаралы – 101,3 FM

Балқаш – 107,4 FM

Баянауыл – 104,7 FM

Жеңілдіктер қарастырылмаған. Бағаға Радиостанцияның барлық тарату арналары (аналогты эфир, спутниктік, кабельдік операторлар және интернеттегі онлайн тарату) арқылы трансляция мен қайта трансляция кіреді.

Төлем Радиостанция меншік иесінің шоты негізінде жасалады және шот ұсынылған күннен бастап 5 (бес) банк күні ішінде меншік иесінің банк реквизиттері арқылы жүзеге асырылады.

Эфир уақытын ұсыну тәртібі

Эфир уақыты үгіт материалдарын орналастыру туралы Келісімшарт негізінде ұсынылады. Келісімшарт кандидатпен немесе оның уәкілетті өкілімен жасалады және Радиостанция бекіткен монтаж парақтары бойынша жүзеге асырылады. Монтаж парақтары эфирге шығатын күннен 3 (үш) жұмыс күні бұрын дайындалуы тиіс (өтініш берген күн есептелмейді).

Үгіт материалдары қазақ және орыс тілдерінде эфирге шығарылады.

Келісімшарт жасасу үшін келесі құжаттармен бірге жазбаша өтініш беріледі (Радиостанция иесінің мекенжайына):

Қарағанды қаласы, Абай көшесі, 10А (демалыс және мереке күндерінен басқа күндері);

Өтініште үгіт материалының түрі, хронометражы, саны, орналастыру күні мен уақыты, қаржыландыру көзі көрсетілуі керек.

Қосымша құжаттар:

Кандидатты тіркеу туралы куәліктің көшірмесі;

Өкілдің өкілеттігін растайтын құжат көшірмесі;

Өтініш берушінің жеке куәлігінің көшірмесі;

Келісімшарт жасасуға құқы бар тұлғаның өкілеттілігін растайтын құжат.

Эфирге үгіт материалдарын орналастыру кезектілігі өтініштердің келіп түсу ретімен немесе бір мезгілде келіп түскен жағдайда – жеребе арқылы анықталады. Жеребе тәртібі Радиостанция иесімен белгіленеді.

Эфирге материал беру тәртібі:

Үгіт материалдары эфирге шығатын күннен 2 (екі) жұмыс күні бұрын төмендегі техникалық талаптарға сай түрде материалдық тасымалдаушыларда ұсынылуы керек:

DVD, CD, HDD немесе USB флешка (2.0 немесе 3.0);

Қоса берілетін ілеспе хат келісімшартқа қол қойған уәкілетті тұлға тарапынан қол қойылуы тиіс;

Техникалық сипаттамалар:

Файлдық жүйе: NTFS немесе FAT32;

WAV форматы: 44100 Гц, 16 бит;

MP3 форматы: 44100 Гц, 320 кбит/с.

Үгіт материалдарында міндетті түрде төмендегілер болуы керек:

Төлем туралы, қаржыландыру көзі туралы дыбыстық ақпарат;

Кандидаттың тегі.

Радиостанция келесі жағдайларда үгіт материалдарын эфирге шығарудан бас тартуға құқылы:

Қазақстан Республикасының конституциялық құрылымын күшпен өзгертуге, тұтастығын бұзуға, мемлекет қауіпсіздігіне қатер төндіруге, әлеуметтік, ұлттық, нәсілдік, діни алауыздықты қоздыруға, зорлық пен қатыгездікті насихаттауға шақыратын мәліметтер болған жағдайда;

Басқа кандидаттардың ар-намысы мен қадір-қасиетіне нұқсан келтіретін мәліметтер болған жағдайда. Мұндай мәліметтер ұсынылған жағдайда, кандидат оларды растайтын құжаттарды ұсынуға міндетті.

Кандидаттар өз үгіт материалдарының мазмұнына Қазақстан заңнамасына, соның ішінде авторлық және сабақтас құқықтар саласына сәйкес жауапты болады. Ережелер немесе келісімшарт шарттары бұзылған жағдайда эфирге шығару тоқтатылуы мүмкін.

Көрсетілген шарттар Қазақстан Республикасының уәкілетті органдарының талаптарына сәйкес өзгертілуі мүмкін.