Türkiye Braziliyada zorakılıq aktlarını pisləyib

Türkiye Braziliyada prezident Luiz İnasio Lula da Silvanın rəhbərlik etdiyi hökumətə Konqresə və Konstitusiya Məhkəməsinə qarşı zorakılıq aktlarını pisləyib.

Türkiye Xarici İşlər Nazirliyindən verilən yazılı açıqlamada Braziliyada xalqın iradəsini əks etdirən seçkilərin nəticələrinə və demokratik proseslərə hörmətlə yanaşmağın vacib olduğu vurğulanıb.

Açıqlamada Türkiyenin yuxarıda qeyd olunan hərəkətlər qarşısında prezident Lula da Silva hökuməti və Braziliya xalqı ilə həmrəy olduğu vurğulanıb:

“Braziliyada prezident Luiz İnasio Lula da Silvanın rəhbərlik etdiyi hökumətə, Konqresə və Konstitusiya Məhkəməsinə qarşı zorakılıq aktlarını pisləyirik”.

Qeyd edək ki, yanvarın 8-də Braziliyada ordunun müdaxiləsini tələb edən şüarlar səsləndirən keçmiş prezident Jair Bolsonaronun tərəfdarları polis barikadasını keçərək Milli Konqres binasına daxil olublar.

Etirazçıları dağıtmaq üçün gözyaşardıcı qazla müdaxilə edən polis qrupların Prezident Sarayı və Ali Məhkəmə binasına zorla daxil olmasına mane ola bilməyib.

Milli Konqresə və Prezident Sarayına basqın edən Bolsonaro tərəfdarları təhlükəsizlik qüvvələri tərəfindən bu binalardan çıxarılaraq tutulub götürülüb.