Novosibirsk şəhərində Azərbaycan dili kursları açılıb

Rusiyanın Novosibirsk şəhərində fəaliyyət göstərən “Rusiya- Azərbaycan evi”nin təşkilatçılığı ilə Azərbaycan dili kursları fəaliyyətə başlayıb.

AZƏRTAC xəbər verir ki, Novosibirskdə yaşayan azərbaycanlı gənclər və yeniyetmələr, eləcə də digər millətlərdən olan yerli sakinlər üçün nəzərdə tutulmuş kurslar çərçivəsində Azərbaycan dilinin qrammatikası, ölkəmizin tarixi və mədəniyyətinə dair dərslərin tədrisi nəzərdə tutulub. Dərslər Novosibirsk Dövlət Universitetinin linqvistika fakültəsini bitirmiş Nigar Cəbrayılova tərəfindən tədris edilir.