Ұлытау: Рәміздер алаңына дейінгі жол жаңғыртылуда

Ұлытау ауданындағы Рәміздер алаңына дейінгі жолды жаңғырту жұмыстары басталды. Қазіргі таңда мердігер мекеме тарапынан жолға асфальт төсеу жұмыстары қарқынды жүргізілуде.

​Айта кетейік, өткен жылы бұл бағытта көтерме жол салынып, жерді тегістеу жұмыстары атқарылып, су өткізетін құбырлар орнатылған болатын. Бүгінде сол жұмыстардың жалғасы ретінде жолды толықтай асфальттау кезеңі жүзеге асырылуда.

​Сонымен қатар, алаң аумағын қоршау жұмыстары да бекітілген кестеге сәйкес жүргізіліп жатыр. Аталған жобалар мемлекеттік рәміздерімізді ұлықтайтын нысанның инфрақұрылымын жақсартып, тұрғындар мен қонақтар үшін қолайлы әрі қауіпсіз орта қалыптастыруға бағытталған.