Фехерлилиом Халық мектебінің төрінде фотограф Уйвари Шандордың «Жібек жолы бойындағы көше көріністері» атты жеке көрмесі көпшілікке жол тартты. Салтанатты жиынға ТҮРКСОЙ Бас хатшысы Сұлтан Раев, өзбек дипломаттары мен мажар елінің мемлекеттік қайраткерлері қатысты.
Аталған экспозиция Орталық Азия мен Еуропа арасындағы тарихи сабақтастықты өнер тілімен жеткізіп, көне керуен жолының бүгінгі тыныс-тіршілігін бейнелейді. Сұлтан Раев өз баяндамасында аталмыш туындылардың бауырлас халықтардың рухани бірлігін нығайтудағы орны ерекше екенін, сондай-ақ Жібек жолының ғасырлар бойы мәдениеттер тоғысқан ұлы көпір қызметін атқарғанын тілге тиек етті.
Түркі дүниесінің бай қазынасын халықаралық деңгейде дәріптеуді көздейтін фотокөрме 2026 жылдың 14 ақпанына дейін жалғасады. Мажар шеберінің объективіне іліккен бірегей кадрлар тарихи жолдың заманауи келбетін жаңа қырынан аша түспек.
