Түрік ҰҰА әлемде алғаш рет дыбыстан жылдам нысананы алыс қашықтықтан жойды
Түркияның ұшқышсыз ұшу аппараты (ҰҰА) - KIZILELMA «әуе-әуе» зымыранымен дыбыстан жылдам реактивті нысананы көріну қашықтығынан тыс атып түсірген әлемдегі тұңғыш ұшқышсыз ұшақ болып тарихқа енді. Бұл туралы Anadolu ақпарат агенттігі хабарлады.
Синоп қаласының маңындағы полигонда өткен сынақ барысында ұшқышсыз аппарат нысананы KIZILELMA борттық белсенді фазалы тор көмегімен (AESA) анықтап, ұзақ қашықтыққа арналған ұлттық зымыранды сәтті ұшырды. Ұлттық зымыран жоғары жылдамдықты нысанаға дәл тиіп, жойқын соққы берді.
Әлемдегі ұшқышсыз әскери жобалардың басым бөлігі құрлықтағы нысаналарды жою міндеттерін орындауға бағытталған. Осыған дейін әлемде бірде-бір ұшқышсыз платформа әуедегі нысандарды атып түсіру мүмкіндігіне ие болған жоқ.
Осылайша, авиация тарихында тұңғыш рет толығымен ұлттық тізбек – «радар-зымыран-ұшқышсыз тасығыш» жүйесі әуедегі соғыс миссиясын сәтті орындап шықты.
Бұл ұшқышсыз платформа өте төмен радиолокациялық байқалуы және жетілдірілген сенсорларының арқасында жауды өзі анықталмастан бұрын алыс қашықтықтан тауып, оны жоя алады.
Айта кетейік, сынаққа қолдау көрсету үшін Мерзифон әуе базасынан Түркия Әуе күштерінің бес F-16 жойғыш ұшағы қатысты.
