Президент Тоқаев: «Digital Bridge» Еуразиядағы негізгі цифрлық хаб ретінде халықаралық серіктестікті нығайтады
Астанада басталған «Digital Bridge 2025» халықаралық технологиялық форумында Қазақстан Республикасының Президенті Қасым-Жомарт Тоқаев жиынды аша отырып, маңызды баяндама жасады. Мемлекет басшысы форумның жаһандық пікір алмасу алаңы ретіндегі рөліне тоқталып, Мажарстан Президенті Тамаш Шуйоктің қатысуын ерекше атап өтті.
Мемлекет басшысы Тоқаев ашылу салтанатында сөйлеген сөзінде халықаралық серіктестіктің маңыздылығын атап өтті, деп хабарлайды TuraNews.kz.
«Digital Bridge 2025 халықаралық форумына қош келдіңіздер! Ең алдымен, осы маңызды жиынға қатысу үшін арнайы келген меймандарға шынайы ризашылығымды білдіремін.
Бүгінгі алқалы жиынға Мажарстанның Президенті Жоғары Мәртебелі Тамаш Шуйоктің қатысып жатқанын ерекше атап өткім келеді. Құрметті Президент мырза, елімізге ресми сапармен келіп, форумға қатысып отырғаныңызды жоғары бағалаймын. Сіздің идеяларыңыз және бастамаларыңыз цифрлық технология саласындағы халықаралық серіктестікті нығайта түсуге септігін тигізеді деп сенемін.
Бүгінде «Digital Bridge» өте маңызды пікір алмасу алаңына айналды, бұл жерде жаһандық өзгерістер мен цифрлық экономиканың болашағы туралы өзекті ойлар айтылып, маңызды бастамалар көтеріледі. Осы уақыт ішінде форум жұмысына 67 мыңнан астам адам, 500-ден аса ІТ-компания және 100 елдің өкілі қатысты. Қазақстан Еуразиядағы негізгі цифрлық хаб ретінде алдағы уақытта да осы маңызды жұмысты жалғастыра береді», — деді Президент Тоқаев.
Форум жұмысының нәтижелері цифрлық технологиялар саласындағы халықаралық серіктестікті жаңа деңгейге көтереді деп күтілуде.
