Түркия мен Әзербайжан білім саласында ынтымақтастықты нығайтады
Болашақ оқу орнының ғимаратын Түркия ұсынды, қазір онда жөндеу жұмыстары жүріп жатыр. Бұл туралы Әзербайжанның ғылым және білім министрі Эмин Амруллаев мәлімдеді
— Біз мұны қажет деп санадық, өйткені Станбұлда көптеген әзербайжан азаматы тұрады. Мектепте түрік және әзербайжандық оқу материалдары қолданылады, — деді министр Баку түрік лицейінің жаңа ғимаратының ашылу салтанатында.
Оның айтуынша, бұл мектеп әзербайжандық балаларға ана тілінде, ұлттық рухта білім беруге қызмет етеді әрі қос бауырлас ел арасындағы білім саласындағы ынтымақтастықты нығайтуға маңызды платформа болмақ.
Бұл бастама Ханкендиде жақында өткен екіжақты кездесу барысында қосымша қолдау тапты. Оған министр Эмин Амруллаев, Түркияның ұлттық білім министрі Юсуф Текин бастаған делегация, Әзербайжан Президентінің арнайы өкілінің орынбасары Сабухи Гахраманов және Қарабақ университетінің ректоры Шахин Байрамов қатысты.
Іс-шарада тараптар білім беру саласындағы ағымдағы жобалар мен ынтымақтастықтың болашағын талқылап, елдер арасындағы білім байланыстарын одан әрі дамыту қажеттігін атап өтті. Сондай-ақ Әзербайжан мен Түркия үкіметтері арасындағы білім саласындағы ынтымақтастық туралы келісімге «Қосымша хаттамаға» қол қойылды.
Тамыз айында Ханкенди қаласындағы Қарабақ университетінде түркі мемлекеттерінің VII Түркология жазғы мектебінің салтанатты ашылуы өтті.
Бұған дейін Бакуде Қазақстанның 20-дан астам университеті қатысқан білім көрмесі ресми түрде ашылған болатын.
