Ұлытау облысында «Бір ауыл – бір өнім» байқау-көрмесінің өңірлік кезеңінің бренд-комитет отырысы өтті

Іс-шара барысында комиссия мүшелері өңірдің колориті мен дәстүрін айқындайтын бірегей тауарларын ұсынған он жартылай финалистің өнімдерімен танысты.

Отырыс қорытындысы бойынша жеңімпаздар болып төмендегілер анықталды:
• «Даркенова» ЖК (Сәтбаев қ.),
• «Калдыбаев Е.» ЖК,
• «Жаңаарқа Қымызы» ЖК.

Аталған өндірушілер Астанада өтетін байқаудың республикалық кезеңде Ұлытау облысының атынан қатысып, елдің үздік өндірушісі атағы үшін бақ сынап, өз өнімдерін кең ауқымды көрерменге таныстыру құқығына ие болды.