Ұлытау облысында күзгі дала жұмыстарына арзандатылған дизель отыны жеткізіледі

Комиссия отырысының шешімі бойынша, күзгі дала жұмыстарына қажетті арзандатылған дизель отынын жеткізуші оператор анықталды.

• Егін жинау науқанына 14 ауыл шаруашылығы тауар өндірушісінен 14 өтінім келіп түсіп, жалпы көлемі 428 тонна дизель отыны бөлінді.
• Бұл отынды облысқа жеткізетін оператор ретінде «Petro-retail» ЖШС белгіленді.
• Ауыл шаруашылығы тауар өндірушілер үшін дизель отынының бағасы литріне 254 теңге көлемінде бекітілді.

Бұл – нарықтағы бағадан едәуір төмен, қазіргі таңда жанар-жағармай бекеттерінде дизель отынының орташа бағасы 315 теңгені құрайды.

Бұл — алда келе жатқан науқанды табысты әрі уақытылы өткізуге мүмкіндік береді.