Жазда Ыстанбұлда нағыз жұлдыздар шоуы өтеді!
Ыстанбұл, Түркияның мәдени орталығы, 2025 жылы әлемдік музыка сахнасының жарық жұлдыздарына есік ашпақ.
Әлемдік танымал әншілер Джастин Тимберлейк пен Робби Уильямс түрік тыңдармандарына ұмытылмас кеш сыйлайды, деп хабарлайды TuraNews.kz.
30 шілдеде әйгілі R&B және поп-орындаушы Джастин Тимберлейк Ыстанбұл Техникалық Университеті стадионында (İTÜ Stadium) жеке концертін өткізеді.
Әлемдік чарттарда көш бастаған “Cry Me a River”, “Mirrors” және “Can’t Stop the Feeling!” секілді хит әндерімен танылған әнші бұл кеште ерекше дыбыс пен визуалды шоу ұсынуға уәде беріп отыр.
Ал 7 қазанда сол стадионда британдық поп-икона Робби Уильямс алғаш рет Ыстанбұл сахнасына шығады. Бұған дейін Түркияда тек Бодрумда өнер көрсеткен Уильямс енді өзінің жаңа “BRITPOP” альбомының алдында ерекше кеш өткізбек.
Оның жарқын харизмасы мен сахнадағы энергетикасы тыңдармандарға ұзақ есте қалатын әсер сыйлайды.
Айта кетейік, концерт билеттерін biletinial.com сайтынан сатып алуға болады.
