Қоғам
27 маусым күні кешке Алматы қаласының орталығы жартылай жабылады
Алматы полиция департаментінің (ПД) баспасөз қызметі бүгін, 2025 жылдың 27 маусымында қала тұрғындары мен қонақтарына маңызды үндеу жасады.
Бұл фестивальге байланысты көлік қозғалысын уақытша шектеуге қатысты, деп хабарлайды Zakon.kz.
Жарияланған мәлімдемеге сәйкес:
Қазақстан полициясы күніне арналған «Полиция – Ел қорғаны» фестиваліне байланысты 27 маусым күні сағат 19:00-ден 23:00-ге дейін Республика сарайына іргелес аумақта көлік қозғалысына жартылай шектеу қойылады.
Шектеулер қолданылады:
- Достық даңғылы бойымен – Құрманғазы көшесінен Сәтбаев көшесіне дейін (екі бағытта);
- Абай даңғылы бойымен – Достық даңғылынан Назарбаев даңғылына дейін (екі бағытта).
Фестивальге келген қонақтардың санын ескере отырып, қоғамдық қауіпсіздікті қамтамасыз ету мақсатында жол қозғалысы реттелмек.
«Жүргізушілерден өз бағытын алдын ала жоспарлауды және уақытша шараларға түсіністікпен қарауды сұраймыз.»Алматы қаласының ПД
