Иран Тәжікстаннан келетін өнімдер импортын ұлғайтты
Иранның өткен жылғы (2024 жылдың 20 наурызынан 2025 жылдың 20 наурызына дейін) Тәжікстаннан өнім импорты құндық мәнде 17,8 пайызға, ал салмақтық мәнде алдыңғы жылмен (2023 жылдың 21 наурызынан 2024 жылдың 19 наурызына дейін) салыстырғанда 34,5 пайызға өсті.
Бұл туралы Иран Кедендік басқармасының статистикасы хабарлайды, деп жазады Trend агенттігі.
Статистикаға сәйкес, өткен жылы Иран Тәжікстаннан 90,2 миллион долларға бағаланған 39,9 мың тонна өнім импорттады. Негізінен мақта, жібек мата, әртүрлі жабдықтар және басқа да өнімдер әкелінді.
Статистикада Иранның өткен жылы Тәжікстанмен мұнайлық емес тауар айналымы 393 миллион долларға бағаланған 528 мың тоннаны құрағаны айтылған.
Иран Кедендік басқармасының статистикасына сәйкес, өткен жылы Иран импорты шамамен 66,3 миллиард долларға бағаланған 39 миллион тоннаны құрады. Өнім импорты алдыңғы жылмен салыстырғанда құндық мәнде 9,77 пайызға, ал салмақтық мәнде 4,39 пайызға өсті.
Айта кетейік, Иран өнім импортында, ең алдымен, қажетті тауарларды әкелуге баса назар аударады, сонымен бірге ел ішінде өндірілетін өнімдердің импортына белгілі бір шектеулер қояды.
