Бұл туралы Түркияның сыртқы істер министрі Хакан Фидан мәлімдеді, деп хабарлайды Hürriyet басылымы.
Хакан Фиданның айтуынша, Түркия Сирия үкіметімен бірлесе отырып, ПКК содырларына қарсы ауқымды әскери операцияны жүзеге асыруға дайын. Егер Сириядағы ПКК басшылығы елден кетпесе, бұл операция сөзсіз басталмақ.
Түркияның ресми өкілдерінің пікірінше, батыс елдері аймақтағы жағдайды тұрақсыздандыруға өз үлесін қосып отыр, бұл Түркияның қауіпсіздігіне тікелей әсер етуде.
Хакан Фидан операцияның басты мақсаты ретінде Сирияның шекаралас аймақтарында белсенді әрекет етіп жатқан ПКК қауіп-қатерін жоюды атап өтті.
